Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Alexandre Millerand (10 de febreru de 1859, París – 6 d'abril de 1943, Versalles) Abogáu y políticu parisín, primer ministru del 20 de xineru al 23 de setiembre de 1920 y presidente de Francia del 23 de setiembre de 1920 al 11 de xunu de 1924.
Empezó la so carrera política na redolada del Partíu Radical de Georges Clemenceau, pero dempués averóse al socialismu, aportando a ministru de Comerciu ya Industria nel gabinete del radical Pierre Waldeck-Rousseau ente 1899 y 1902, fechu qu'amenó les crítiques de contemporáneos franceses como Jules Guesde ya inclusive de la Segunda Internacional (por casu de Rosa Luxemburg), por considerar inxustificada esta collaboración con gobiernos burgueses. Sicasí, foi sofitáu por Jean Jaurès. El so enclín derechiegu llevólu a ser espulsáu de la Seición Francesa de la Internacional Obrera en 1904 y darréu formó parte de dellos gobiernos como independiente (Obres Públiques, 1909-1910, y Guerra, 1912-1913 y 1914-1915). La esperiencia de la Gran Guerra, que vivió como ministru, sirvió -igual que n'otros socialistes de la dómina- pa completar la so viraje escontra la derecha pela vía del patriotismu. En 1919 encabezó una coalición conservadora, el Bloque Nacional, cola qu'aportó a presidente de la República en 1920, tres unos meses como primer ministru y encargáu d'Asuntos Esteriores. Él y el so primer ministru Raymond Poincaré promovieron la ocupación del Ruhr pa obligar a Alemaña a pagar los arreglos de guerra. Tamién impulsaron una política de rigor presupuestario que los fixo impopulares. En 1924, tres la victoria eleutoral de la izquierda, dimitió y abandonó la primer llinia de la política francesa, ocupando un escañu nel senáu.
Predecesor: Paul Deschanel |
Primer Ministru de Francia xineru-setiembre de 1920 |
Socesor: Georges Leygues |
Predecesor: Paul Deschanel |
Presidente de Francia 1920-1924 |
Socesor: Gaston Doumergue |
© MMXXIII Rich X Search. We shall prevail. All rights reserved. Rich X Search